愛哭囡仔
愛哭神愛哭神
食飯配塗豆仁
塗豆仁搣規把
媽祖宮牽電火
一家伙仔
暗頭仔，食飯飽
阿公講古予阮聽
哥哥上愛疊柴角仔
伊講欲起厝予我蹛
紅豆冰
出去耍，蠓仔叮
規雙腳，抓袂停
一噗一噗紅閣腫
親像紅豆冰
喙甜甜講好話
今仔日你生日
予你坐大位
祝你健康快樂食百二
富貴萬萬年
機場
頭一擺坐飛行機
機場內人滿滿是
有人來接機
有人來相送
看著親人真歡喜
阿媽種樹仔
阿媽阿媽，種真濟樹仔
樹仔種甲大大欉
葉仔青，花紅紅
會當看嬘
會當予人來歇涼
火金姑
火金姑，來食茶
茶燒燒，食弓蕉
弓蕉冷冷，食龍眼
龍眼愛剝殼，換來食林菝仔
林菝仔全全子，害阮食一下落喙齒
沒有留言:
張貼留言